Volve o Escape Room á Noite Meiga 2025: Despierta!
A Noite Meiga 2025 xa ten a súa primeira actividade confirmada, e como cada ano volve un dos grandes atractivos da programación: o Escape Room organizado por ADDA FUN.
Nesta edición, os participantes enfrontaranse a un novo e misterioso desafío titulado “Esperta”, unha experiencia inmersiva que poñerá a proba a lóxica, a cooperación e os nervios de aceiro de cada grupo.
Unha experiencia única nun escenario máxico
O reto desenvolverase nunha contorna tan especial como inquietante: a Igrexa da Madalena de Ribadavia, que se converterá no escenario perfecto para penetrarse neste soño do que será difícil escapar.
En cada sesión, 4 grupos de 4 persoas terán que resolver enigmas e descifrar claves nun tempo máximo de 60 minutos, cun único obxectivo: lograr espertar antes de que sexa demasiado tarde.
Datas, horarios e entradas
📅 31 de outubro e 1 de novembro
🕒 Celebraranse 5 sesións por día, en distintos horarios, para que ninguén quede sen a oportunidade de vivir a experiencia.
🎟️ As entradas teñen un custo de 13 € e xa están dispoñibles a través da plataforma vivetix.com .
https://vivetix.com/es/entradas-escape-room-despierta-3ngv?s=link
Prazas moi limitadas!
O Escape Room da Noite Meiga consolidouse como unha das actividades máis esperadas do evento, e cada ano as entradas esgótanse rapidamente. Se queres poñer a proba o teu enxeño e vivir unha aventura inesquecible, non esperes demasiado para facerche coa túa.
👉 Estás preparado para entrar no soño e descubrir se serás capaz de espertar?
